Poyatri

 #నేనూ_స్వతంత్రున్నే ,

* నచ్చిన అమ్మాయిని పెళ్లి చేసుకున్నందుకు నడి

 రోడ్డు మీదే చంపబడేంత స్వతంత్రుణ్ణి , 

* రాజ్యాంగ నిర్మాత అంబేడ్కర్ గారి విగ్రహం పెట్టాలి 

అనుకున్నందుకు ఊరి మొత్తం చేత 

వెలివేయించుకునేంత స్వతంత్రుణ్ణి , 

* నా దేశ పాలకులు చేసే అన్యాయాన్ని ప్రశ్నిస్తున్నందుకు

అక్రమ కేసుల్లో ఇరుక్కునేంత స్వతంత్రుణ్ణి , 

* మామిడికాయల దొంగ అనే పేరుతో గ్రామ పంచాయితీ 

లొనే ఉరి కంబానికి వేలాడేంత స్వతంత్రుణ్ణి,

* మాస్క్ పెట్టుకోలేని కారణంగా అధికారి 

చేతిలో క్రూరంగా చంపబడేంత స్వతంత్రుణ్ణి , 

* అక్రమ రవాణా గురించి ప్రశ్నిస్తే రక్షక భటుల

 చేతిలోనే శిరోముండనం చేయించుకునేంత స్వతంత్రుణ్ణి, 

* కామాంధుల చేతిలో రేప్ కి గురై కూడా రక్షక భటుల

చేతిలో తన్నులు తినేంత స్వతంత్రుణ్ణి , 

* స్వదేశంలో నా పై జరిగే దాడులకు, హత్యాచారాలకు

 న్యాయం కావాలని ఉద్యమాలు చేసుకునేంత 

  స్వతంత్రుణ్ణి , 

* నా సొంత దేశంలోనే నేటికీ కూడా అంటరానోడు ,

 అస్పృస్యుడు అని పిలించుకునేంత స్వతంత్రుణ్ణి , 

* స్వదేశంలో ప్రజా ప్రతినిధుల చేతులో నిరంతరం 

దోపిడీ కి గురి కాబడుతున్న స్వతంత్రుణ్ణి,

* నేటికి కూడా ఊరి చివర దక్షిణాన స్మశానల 

దగ్గర్లో నివాసాలు ఉండేంత స్వతంత్రుణ్ణి,

70 ఏళ్ల స్వాతంత్రంలో ఒక్క సారి కూడా ఈ దేశ

ప్రధాన మంత్రి కానీ ముఖ్యమంత్రి పీఠంలో కూర్చోలేనంత

స్వతంత్రుణ్ణి, ( ఉత్తర్ ప్రదేశ్ మినహాయించి ) 

నా దేశానికి వచ్చింది స్వాతంత్రంలో , 

అధికార మార్పిడో తెలుసుకోలేనంత

స్వతంత్రుణ్ణి..

#నేనెప్పుడూ_స్వతంత్రున్నే...